Предизборен молк пред утрешните парламентарни избори во Грузија

Од:

Со митинзи на опозициската коалиција „Грузиски сон“ (КО) во двата најголеми града во Грузија, Тбилиси и Кутаиси, синоќа официјално заврши кампањата за утрешните парламентарни избори во оваа поранешна советска република.

Од митингот во Тбилиси, лидерот на „Грузиски сон“, милијардерот Биѕина Иванишвили порача дека утрешниот ден ќе биде „ден на раѓањето на една нова Грузија“ и изрази уверување дека неговата коалиција ќе победи на изборите.

Свој завршен митинг вчера одржа и владејачкото Обединето национално движење (ЕНМ), од кој грузискиот претседател Михаил Саакшвили порача дека утрешните избори се решавачки за иднината на земјата.

Во Грузија денеска е предизборен молк, кој ќе трае до затворањето на гласачките места утре вечер.

Утрешните избори, на кои учествуваат 17 партии и две коалиции, ќе ги следат над 30.000 домашни и околу 600 странски набљудувачи.

Според анкетите на јавното мислење, се очекува ЕНМ да освои околу 36 отсто од гласовите, пред КО со околу 18 проценти и Христијанско демократското движење (КДМ) со три отсто.

Би можело да ве интересира

Романија, Азербејџан, Грузија и Унгарија потпишаа договор за подводен кабел за пренос на зелена енергија преку Црното Море

Ана Ололовска

Со чартер лет од Атина доброволно во Грузија се вратија 155 грузиски државјани

А1он

Поранешниот грузиски претседател Саакашвили бил затруен во затвор и е во тешка здравствена состојба

А1он

Пребеганите Руси и носат економски бум на Грузија

Во Грузија протест против напливот на Руси кои се обидуваат да избегнат мобилизација

Катерина Павлова-Николовска

Редици Руси чекаат за влез во Грузија, опозицијата побара воведување визи и затворање на границите

А1он