Делови од уништеното украинско беспилотно летало го оштетиле специјалниот технички оддел на Московската рафинерија за нафта (МОР), по што пламнал пожарот, изјави денеска градоначалникот на Москва Сергеј Собјанин.
„Едно соборено беспилотно летало оштети посебна техничка просторија на Московската рафинерија. Пожарот се гаси“, објави Собјанин, пренесува агенцијата Интерфакс.
Собјанин претходно објави дека руската воздушна одбрана уништила десет беспилотни летала, од кои едното е соборено во реонот на рафинеријата во Москва, нагласувајќи дека „нема штета или жртви и нема опасност за работата на рафинеријата“.