Пожар избувна денеска во француската атомска централа Кетен во Лорена, но без опасност за нуклеарните постројки, соопшти денеска француската државна енергетска групација ЕДФ, која управува со нуклеарната централа.
Во пожарот нема повредени, објави Волстрит журнал.
– Пожарот избувна надвор од нуклеарната постројка, надвор од просторот во кој се наоѓа турбината и генераторот. Инцидентот не предизвика никакви последици за жителите, објави ЕДФ на својот Твитер профил.
Еден блок од централата морал да биде привремено исклучен поради пожарот, кој бил брзо совладан.
ЕДФ е најголем светски оператор со атомски централи. Групацијата управува со 58 реактори само во Франција.
Нуклеарната централа Катен во источниот дел на Франција има четири блока со нуклеарни реактори кои се изградени во периодот од 1979 до 1991 година.