Пожар избувна рано изутринава во рефинеријата за нафта на компанијата „Шел“ во холандскиот град Ротердам, предизвикувајќи делумен прекин на работата во објектот.
Пожарот во оваа најголема рафинерија за нафта во Европа избувнал во електроцентралата под висок напон. Причините за пожарот засега не се познати, но се препотсваува дека тој бил предизвикан од краток спој.
Нема информации за жртви при пожарот.
Компанијата „Шел“ инфромираше дека пожарникарите успеале да го изгаснат огнот нешто пред шест часот.
Според „Шел“, засега не можно да се направи проценка на штетите од пожарот, како ни да се каже кога рефинеријата ќе почне да работи со полн капацитет.
Претставник на регионалната служба за безбедност изјави дека во атмосферата не е забележно присуство на отровни честички ослободени при пожарот.