Утрово околу 10.45 часот избувна пожар на покривот на зградата во која е сместено данското Министерство за финансии во Копенхаген. Во зградата бил и министерот кој бил на состанокот кога се огласил алармот.
Густ црн чад се издига од зграда во центарот на Копенхаген, пишуваат медиумите.
Полицијата соопшти дека зградата зафатена од пожарот, како и другите згради во близина се евакуирани.
Нема извештаи за повредени.
Зградата се наоѓа на приближно десет минути пешачење од старата берза во Копенхаген, која изгоре во пожар во април, потсетуваат локалните медиуми.
Полицијата во Копенхаген во 11.35 на X објави дека последните информации од Генералштабот се дека пожарот е ставен под контрола и дека преостанатите жаришта се гаснат.
Полицијата се уште е на терен, а областа ќе биде блокирана извесно време.