Најмалку десетмина ученици загинаа во пожар што го зафатил интернатот на приватно основно училиште во северна Танзанија, изјави висок владин претставник.
Уште седум други деца се здобиле со тешки изгореници, соопштија властите.
-Во овој ученички дом биле сместени 74 ученици, а кога се запалил учениците почнале да бегаат, но поради силината на пожарот некои не успеале навреме да се спасат, изјави регионалниот комесар на Кагер, Марко Гагути.
Полицијата, пожарникарите и другите владини претставници веднаш почнале истрага за причината за пожарот, која засега останува непозната, изјави Гагути во телефонски разговор за британските медиуми.