Пожарот во југозападна Франција се прошири до долината на реката Ардаш и сега зафати 750 хектари, поради што локалното население е евакуирано, соопштија локалните власти.
Од избувнувањето на пожарот утринава, евакуирани се две фабрики во малиот град Лавилди, како и прифатилиште за животни и кампови, а во тек е евакуација на селото Вога.
– Пожарот избувна помеѓу 8:30 и 8:45 часот и напредуваше многу брзо поради силниот ветер, изјави градоначалникот на Лавилди, Жерар Сокл, за ТВ БМФ и потврди дека 450 пожарникари се ангажирани во гаснењето на пожарот и евакуацијата на загрозените.
Претходно овој месец, шумските пожари изгореа повеќе од 20.000 хектари во департманот Жиронд во југозападна Франција, откако Франција и остатокот од Европа беа погодени од рекорден топлотен бран.
Извор: МИА