Франц Руф главниот директор за јавна безбедност на Австрија изјави дека информациите за планираниот терористички напад во Виена дошле од странски тајни служби.
Тој потврди дека имало пријави од странски служби. Како што пренесоа некои американски медиуми, американските тајни служби ги информирале своите австриски колеги за можниот напад.
Како што соопштија на прес-конференција во Австрија, две лица се уапсени, а едно лице е приведено за планирање напад на концертот на Тејлор Свифт во Виена. Запленети се многу материјали за изработка на бомби.
Еден од тројцата кои се под полициски надзор има хрватско потекло, но е роден во Австрија.
„Кроне цајтунг“ пишува дека четворица осомничени се под полициски надзор и дека еден од нив, 17-годишник роден во Австрија со хрватско-турски корени, веќе и е познат на полицијата.
Меѓу нив има и 15-годишник со турско потекло.