Повеќе од половина од германските граѓани (57 проценти) изразиле подготвеност да се вакцинираат со руската вакцина Спутник V против коронавирус, доколку е одобрена за употреба во Европската унија и Германија. Ова го покажуваат резултатите од анкетата спроведена од Институтот Форс за медиумската група РТЛ.
Според истражувањето, учеството на оние кои биле подготвени да се вакцинираат со таа вакцина е 45 отсто на почетокот на февруари.
Во исто време, 44 проценти од испитаниците не сакаат да се вакцинираат со АстраЗенека.
Истражувањето исто така покажува дека 69 проценти од Германците сакаат да се вакцинираат против Ковид-19.
До 10 проценти сакаат да почекаат некое време пред да се одлучат за вакцинација, а осум проценти воопшто не сакаат да го сторат тоа. Во анкетата учествувале 1.001 испитаник.