Германскиот Уставен суд ја одобри задолжителната вакцинација на здравствените работници

Од:

Сојузниот уставен суд на Германија денеска соопшти дека ја одобрил задолжителната вакцинација на здравствените работници против Ковид-19, отфрлајќи ги приговорите на мерката и оценувајќи дека заштитата на ранливите лица во болниците и старечките домови се поважни од кршењето на правата на здравствените работници.

dobivaj vesti na viber

Ограничената мерка за задолжителна вакцинација стапи на сила во средината на март.

Уставниот суд претходно одби да ја стопира неговата примена до донесувањето конечна одлука.

Министерот за здравство Карл Лаутербах ја поздрави одлуката на Судот. Тој рече дека „државата има обврска да ги заштити ранливите групи“ и им се заблагодари на здравствените институции што воведоа задолжителна вакцинација, велејќи дека помогнале да се спречат повеќе смртни случаи од омикрон варијантата на коронавирусот.

Германскиот канцелар Олаф Шолц првично сакаше да ја прошири марката за задолжителна вакцинација на сите возрасни, но пратениците во Парламентот одбија да воедат таква обврска дури и за граѓаните над 60 години.

Речиси 76 отсто од населението во Германија е двапати вакцининирано против коронавирусот, а нешто помалку 60 отсто примиле и трета доза.

Извор: МИА

Би можело да ве интересира

Летово во Германија ќе може да се патува без тест и без потврда за вакцинација против Ковид-19

Германија првпат по седум месеци нема смртен случај од Ковид-19

Во Германија завршува рокот на употреба на над 10 милиони дози вакцини против коронавирус

Германец примил 87 вакцини против ковид

Германија ги укинува антиковид мерките и покрај рекордниот број заразени минатата седмица

Во Германија рекорден број на новозаразени со Ковид-19 од почетокот на пандемијата