Повеќе од 160 здравствени работници од Газа, вклучително и повеќе од 20 лекари, најверојатно се уште се во израелски притвор, а Светската здравствена организација (СЗО) изрази длабока загриженост за нивната состојба и безбедност повикувајќи се на податоци од организацијата Healthcare Workers Watch (HWW).
Според HWW, најмалку 162 медицински работници, меѓу кои и истакнати лекари, остануваат во притвор, додека уште 24 се водат како исчезнати откако биле киднапирани од болниците за време на конфликтот, пишува Гардијан.
СЗО потврди дека израелската војска од почетокот на војната привела 297 здравствени работници од Газа, но организацијата сè уште нема ажурирани податоци за тоа колкумина се ослободени или се уште се во притвор.