Посетителите на Ајфеловата кула во Париз денеска беа евакуирани поради закана од подметната бомба, пренесоа агенциите, повикувајќи се на соопштение на париската полиција.
Евакуацијата била изведена во 14 часот по локално време. Во 16 часот по локaлано време кулата се уште не беше отворена за посетители, раскажаа очевидци.
Изградена во 1889 година 324-метарската кула секоја година ја посетуваат седум милиони лица.
Во екот на туристичката сезона на кулата се качуваат дури и до 30.000 лица дневно. Туристичката атракција, што е еден од симболите на Париз, редовно е цел на бомбашки закани, но сценариото секогаш е идентично – посетителите се евакуираат, а потоа заканата од бомбашки напад се покажува лажен.