Единаесет поранешни високи раководители на италијанската компанија за производство на автомобилски гуми „Пирели“ се прогласени за виновни за „ненамерна смрт“ на 20 работици, кои биле изложени на опасниот по здравјето од азбест.
Судот во Милано ги осуди некогашните раководители, меѓу кои и двајца поранешни извршни директори на компанијата, на затворски казни во траење до седум години и осум месеци.
Сите осудени биле членови на управни одбори и на раководи тела во „Пирели“ во периодот меѓу 1979 и 1989 година, кога работниците биле изложени на влијание на азбест во фабриката на компанијата во Милано.
Според Судот, тие се виновни затоа што не презеле ништо за да се зачува здравјето на работниците, кои починале од тумор или од тешки заблување на белите дробови.
Нивните блиски и роднини, кои беа во судот при изрекувањето на казните, за италијанските медиуми дека се задоволни од пресудата и дека директорите „конечно се казнети“.
Адвокатите на „Пирели“ изразија несогласување со одлуката на Судот и најавија жалби на пресудата, тврдејќи дека имаат „научни сознанија“ за нејзино соборување.
Италијанските медиуми откриваат дека роднини на најголемниот број од жртвите, надвор од Судот , веќе се спогодиле со управата на „Пирели“ за исплата на паричен надомест за починатите работници.