Сеголен Ројал (59), една од водечките личности меѓу француските социјалисти, а притоа и поранешна љубовница на претседателот Оланд и мајка на неговите четири деца, најави дека влегува во “борба за претседателските избори” кои ќе се оддржар во 2017.
Тоа значи дека поранешните љубовници, сега ќе бидат директни ривали.
Ројал била бесна кога Оланд ја остави поради новинарката Валери Тревајлер, со која долго време бил во тајна врска. Особено се навредила што кога Оланд дојде на власт минатата година, не ја вклучил во својата влада.
Во изминатите недели Ројал се погласно ја критикува власта на Оланд, што новинарите ги наведе на помислата дека таа ќе му биде против кандидат на наредните претседателски избори.
Во прилог на тоа оди и нејзиното интервју од минатата недела во кое таа го критикува Оланд за неуспешната економска политика, и “многу спорото” темпо на реформи, не исклучувајќи ја можноста во наредниот мандат таа да управува со земјата.