Управата на аеродромот во германскиот град Дизелдорф синоќа прогласи тревога во објектот, откако во зоната на терминалите за полетување беше пронајден сомнителен куфер, јави ИТАР-ТАСС.
При проверката на сомнителниот багаж не било откриено ништо опасно, по што тревогата е укината.
По прогласувањето на тревогата, сите присутни во аеродромската зграда беа евакуирана и беа откажани околу 20 летови, главно на внатрешни линии.
Осумнаесет авиони со 3.000 патници, кои во време на тревогата требаше да слетаат во Дизелдорф, беа пренасочени кон аеродромот Келн/Бон.