Поради магла и слаба видливост на прашкиот аеродром „Вацлав Хавел“ откажани се 32 лета, а 13 слетувања се пренасочени кон аеродромите во чешките градови Брно, Острава и Пардубице и во Дрезден во Германија.
Како што јави дописникот на МИА од Прага, според портпаролката на аеродромот Ева Крејчи, во текот на денот и натамусе можни компликации.
– До 8:30 часот утрото, беа откажани слетувања и полетувања, а во моментов полетувањата се остваруваат, а слетувањата делумно се ограничени. Состојбата и натаму не е идеална, изјави портаролката.
Откажаните летови се однесуваат на дестнациите до Брисел, Амстердам, Будимпешта, Хамбург, Лисабон, Цирих и Берлин.
Временските услови на аеродромот постојано се менуваат и видливоста на моменти се подобрува, а на моменти се појавува густа магла и одлуката за слетувањата или пренасочувањата надлежните ги носат во моментот.