Поројни дождови предизвикаа поплави во Италија, а слично невреме се очекува и во соседна Словенија каде е прогласена црвена тревога, највисок степен на предупредување поради опасност од природни непогоди.
Во Италија најтешко е погоден северниот дел на земјата, Тоскана, Лигурија и Венето. Опасноста од невреме во Словенија се однесува за западниот и јужниот дел на земјата.
Реката По во близина на Милано се излеа од своето речно корито, а предупредување е прогласено и за Лигурија во северозападниот дел на земјата.
Црвен аларм за Словенија е прогласен денеска и ќе важи до утре, кога се најавуваат нови силни врнежи, како и за следните три дена, а смирување на невремето се очекува во сабота наутро.
Според метеоролозите најаголеми проблеми со поплави се очекуваат во западниот дел на земјата.