Пописот на САД во 2020 година нема да биде ревидиран

Американскиот претседател Доналд Трамп го повлече своето барање за ревидирање на пописот на САД и порача информациите за државјанството да се приберат во негово заобиколување.

Во изјава дадена синоќа во Белата куќа, Трамп укажа дека Бирото за попис располага со информации од Службата за социјална заштита, таканаречените бонови за храна или од затворските служби. Во сите нив постои информација за државјанството.

-Врз основа на расположливите административни записи може да се одреди државјанството на 90 отсто од населението, изјави Трамп. Тој му порачал на министерот за трговија да ја разгледа можноста за вклучување на графата „државјанство“ во пописот во 2030 година.

Претходно, Врховниот суд на САД го блокираше барањето на Белата куќа пописните формулари да содржат прашање кое би требало да гласи: „Дали лицето кое го пополнува има американско државјанство“. Судот заклучи дека Администрацијата не поднела доволно основи за ревидирање на пописот.

Можноста за вклучување на графата „државјанство“ се разгледуваше од лани. Противниците се повикуваа на краткото време бидејќи веќе беше порачано печатење на формуларите, како и тоа дека луѓето би биле обесхрабрени да учествуваат во пописот. Не само оние кои се дојдени илегално туку и државјаните кои се плашат дека со своето учество ќе ги откријат членовите на семејството кои не се државјани.

Би можело да ве интересира

Трамп: Соборивме ирански дрон

Анкета: Бајден со најголема популарност кај демократите за да му се спротивстави на Трамп

САД со нови санкции кон Русија поради задржаните украински морнари

Ана Ололовска

Трамп: Соборивме ирански дрон во Ормутскиот Теснец

Ана Ололовска

ФеД: Економската активност во САД продолжува да расте со умерено темпо

Ана Ололовска

Рикер: САД нема да биде судија во внатрешната политика на Албанија

Ана Ололовска