Полски агенти уапсија 19-годишник осомничен за планирање терористички напад

Од:

Службеници од Полската агенција за внатрешна безбедност (ABW) приведоа 19-годишник под сомнение за планирање терористички чин.

Ова е трето лице кое се соочува со обвиненија во истрагата што ја надгледува Окружното обвинителство Олстин во североисточна Полска, изјави Јацек Добжински, портпарол на координаторот на специјалните служби.

„Истражителите утврдија дека сите осомничени собирале информации на интернет за ракување со огнено оружје, позиции за стрелање и спроведување борбени операции на отворени и затворени простори. За целите на обуката, тие посетувале стрелишта и вршеле воено-тактичка обука“, рече тој на платформата X.

Добжински рече дека осомничените собирале пиротехника и упатства за тоа како да се конструираат експлозивни системи, црпејќи инспирација, меѓу другото, од активностите на масовните убијци како што се Андерс Брејвик, Брентон Тарант и Тимоти Меквеј.

„Тие беа фасцинирани од нивната идеологија, анализираа како ги извршуваат нападите и грешките што ги прават. Содржината што ја преземале влијаела врз формирањето на екстремно радикални ставови“, рече Добжински.

Тој додаде дека двајца од мажите се задржани во притвор, додека третиот осомничен е ставен во домашен притвор од страна на Окружниот суд во Олштин.

Би можело да ве интересира

МВР: Уапсени се две лица, одземено е товарно возило, запленета е стоката

(ВИДЕО) Приведени девет лица во акција за сузбивање на трговија со луѓе и илегална миграција

Предраг Петровиќ

Косовски и македонски државјанин осомничени за тероризам во Швајцарија

Масовни апсења на опозициски градоначалници во Турција

Полициски претреси во Скопје и Куманово, запленета е голема количина на амфетамин, уапсени се неколку лица

Горан Наумовски

Нови апсења во Србија: Уапсени се двајца осомничени за повикување на насилна промена на власта

Горан Наумовски