Полскиот министер за надворешни работи Витолд Вашчиковски денеска ја критикуваше одлуката на Русија да распореди проектили „Искендер М“, коишто се оспособени да пренесуваат нуклеарни боеви глави, во руската провинција Калининград, близу тромѓето со Литванија и Полска.
– Сметаме дека тоа е неадекватен одговор на активностите на НАТО, изјави Вашчиковски пред новинарите.
Руското Министерство за одбрана во саботата ја извести јавноста дека проектили се преместени, наведувајќи дека тоа се само рутински вежби, пренесува Танјуг.