Условите за живеење на Ромите во Чешка се влошуваат и фрустрацијата која поради тоа се создава води кон се поголем излив на расизам, особено кај ромското население, се вели во Годишниот извештај за 2012 година на Чешкиот хелсиншки комитет.
– Ромите се етикетираат како виновници за најразлични проблеми во општеството и се поголем е бројот на луѓе кои го искажуваат гневот кон нив, пишува во Извештајот.
Како што јави дописникот на МИА од Прага, авторите предупредуваат дека се почесто во анти-ромските походи не учествуваат само членовите на екстремната десница, туку и граѓаните од останатата популација.
Тие за тоа вината ја бараат во премногу ,,лабавите” политичари како и во влошениот животен стандард кој придонесува кај многу луѓе да се појават разни фрустрации.
Затоа организацијата препорачува, државните органи да обрнат посебно внимание на злосторствата извршени од омраза: – Санкционирањето на тоа сериозно кривично дело е средство за заштита на сите поединци, општеството како целина и не се однесува само на заштитата на малцинствата, како што понекогаш погрешно се сфаќа и толкува, се потенцира во Извештајот.