Португалија одлучи да не ги замени своите американски борбени авиони Ф-16 со помодерни модели Ф-35, бидејќи политичката ситуација под американскиот претседател Доналд Трамп доведе до неизвесност за идните односи меѓу САД и нивните сојузници, објави бриселскиот Политико.
Португалските власти веруваат дека купувањето на Ф-35 би можело да наметне ограничувања за користење и одржување на авионот, поради што решиле да се откажат од купувањето.
Португалските воздухопловни сили препорачаа купување на борбени авиони Ф-35 на Локхид Мартин, но министерот за одбрана во заминување, Нуно Мело, во интервју за португалските медиуми изјави дека „геополитичките фактори“ мора да се земат предвид при донесувањето на одлуките за набавка.
„Не можеме да ја игнорираме моменталната позиција на САД во НАТО… Предвидливоста на нашите сојузници е поважен фактор во донесувањето одлуки“, рече тој.