„Политико“: Израел поставил шпионски апарати во близина на Белата куќа

Од:

Во последните две години поставени се апарати за набљудување во близина на Белата куќа. Апаратите ги постави Израел, изјавија поранешни американски претставници за магазинот „Политико“.

Апаратите за надгледување на мобилните телефони наменети се за шпионирање на американскиот претседател Доналд Трамп и откриени се во текот на неговиот мандат.

Портпаролот на Амбасадата на Израел во Вашингтон изјави дека „таквите обвиненија се апсолутна глупост“.

– Израел не извршува шпионски операции во САД, точка, изјави Елас Строхмајер.

Додека поранешен американски разузнавач истакна дека е „прилично јасно дека Израелците се одговорни“.

Белата куќа одби да ги коментира наводите.

„Политико“ објави дека се сомнева дека Израел ја прислушува комуникацијата на Белата куќа.

– Израелците се прилично агресивни. Тие се грижат само за заштита на безбедноста на државата Израел и се ќе направат за да ја постигнат таа цел, посочи поранешниот неименуван американски разузнавач.

„Политико“ истакнува дека администрацијата на американскиот претседател Трамп не презела мерки како одговор на однесувањето на Израел.

Би можело да ве интересира

Кина го поздрави прелиминарниот трговски договор со САД

Ана Ололовска

Њу Орлеанс прогласи вонредна состојба поради кибер напади

Ана Ололовска

Американски санкции за двајца осомничени помагачи на Хезболах

Ана Ололовска

Петте најмоќни флоти во светот

Ана Ололовска

Турскиот Парламент ја осуди резолуцијата на американскиот Сенат за геноцидот врз Ерменците

САД и Кина постигнаа трговски договор