Полициската управа на Лас Вегас прогласи нелегален собир во знак на протест против антиимиграциските мерки околу Федералниот суд на САД во центарот на Лас Вегас и им нареди на демонстрантите да се разотидат или ризикуваат апсење.
„Прогласивме нелегален собир на аголот од булеварот Лас Вегас и Кларк поради незаконски активности на демонстрантите. Издадена е наредба. Непочитувањето на овие упатства може да резултира со апсење или казни за демонстрантите“, се вели во соопштението на полицијата, објави CNN.
Во меѓувреме, демонстрантите се уште се на улиците на Сиетл, извикувајќи слогани против Службата за имиграција и царина на САД (ICE) и држејќи знаци со пораки со кои се осудуваат неодамнешните рации на агенцијата за имиграција.