Повеќето мажи кои во текот на новогодишната ноќ нападнаа жени во Келн никогаш нема да бидат фатени, изјави директорот на полицијата во градот, Јирген Матиес.
Тој истакна дека снимките од безбедносните камери не се доволни за да се идентификуваат оние кои извршиле сексуални злоставување.
Според него, идентификувани се 75 осомничени, од кои повеќето се од северна Африка, а во Германија престојуваат нелегално или имаат добиено азил.
Поради нападите за време на Нова Година во полицијата се поднесени повеќе од 500 тужби, а околу 40 отсто се наводни сексуални напади.