Иранскиот главен град Техеран беше под силно бомбардирање во петок наутро, а експлозии се слушаа низ целиот град, објавија државните медиуми.
Според извештаите, целта била авенијата Џомхури, популарна шопинг-зона и една од најпрометните улици во центарот на Техеран.
– Улицата Џомхури и станицата Џами БРТ, се целосно уништени. Улиците околу централните и источните делови на Техеран сега се пусти, објави иранскиот државен радиодифузер ИРИБ.
Ова доаѓа откако израелската војска соопшти дека започнала „широк бран напади“ врз клучната инфраструктура на режимот во Техеран.
Персоналот на Си-Ен-Ен на терен слушнал бранови од постојан шум од авиони на небото во близина на Техеран, а иранските медиуми, исто така, објавија гласни експлозии и звук од авиони што се слушаат низ главниот град. Во меѓувреме, портпаролот на иранската војска, Хатам Ал Анибе изјави дека нападите на земјата врз непријателските позиции ќе бидат посериозни и посеопфатни во наредните денови.