Службата за итни случаи на Киев објави слики од облакодер од станбениот дел на киевскиот кварт Шевченковски, кој утринава околу 6 часот беше погоден од еден или повеќе руски проектили.
Додаваат дека во нападот е оштетена и соседната деветкатница.
На местото на настанот се пожарникари, брза помош и други служби. Според првичните информации две лица се повредени, а 35 се евакуирани од зградата.
Пожарот бил изгаснат во 7:45 часот, спасувачите сега трагаат по преживеани.
Morning in Kyiv. #StopRussia #StopPutin pic.twitter.com/IzMNfoqxUp
— UkraineNow (@UkraineNow3) March 16, 2022
Би-би-си пишува дека на социјалните мрежи се шират видеа од големи темни облаци кои се издигнуваат над градот.
Во Киев е на сила 35-часовен полициски час. Градските власти предупредија дека градот е во многу опасна ситуација.