Помошникот кинески шеф на дипломатијата Џанг Куншенг сменет е од таа функција и против него е покрената истрага заради „специфични дисциплински прекршоци“, соопшти портпарол на МНР на Кина.
Странски медиуми тврдат дека во прашање е корупција бидејќи најчесто така се толкува терминот – дисциплински прекршок.
Џанг (56) беше еден од помошниците на шефот на дипломатијата од 2011 година, надлежен за Латинска Америка и Карибите. Кинеските државни медиуми јавуваат дека Џанг е највисок дипломат кој е цел на антикорупциска акција.