По 50-годишниот бунт и историскиот договор за мир со властите, Револуционерните вооружени сили на Колумбија (ФАРК) се „збогуваа“ со воружената борба и одлучија на конгресот, што започна денеска во Богота, да формираат политичка партија.
Конгресот ќе трае до четврток, а во петок, претставниците на ФАРК официјално ќе соопштат дека создале нова политичка сила и како ќе биде именувана.
ФАРК официјалната одлука ќе ја соопшти во центарот на Богота, каде ќе се одржи концерт на плоштадот „Боливар“, во близина на колумбискиот Парламент и претседателската палата.
На конгресот, претставниците на ФАРК ќе ги определат и своите кандидати за парламентарните избори во 2018 година.