Пирц Мусар: Грешката на ЕУ беше што престанавме да комуницираме со Русија

Од:

Словенечката претседателка Наташа Пирц Мусар смета дека Европската Унија треба повторно да воспостави некаков вид дијалог со Русија – барем преку „тивка“ дипломатија предводена од специјално назначен тим, објави Политико.

Пирц Мусар го оцени како грешка тоа што ЕУ престана да комуницира со Русија по почетокот на војната во 2022 година и смета дека комуникацијата треба да се обнови. „Една од грешките на Европската Унија беше што престанавме да комуницираме со Русија“, рече таа.

Пирц Мусар додаде дека ЕУ треба да назначи група „мудри мажи и жени“ за да започне „тивка“ дипломатија со Русија како прв чекор кон директен дијалог.

Пирч Мусар смета дека Европа треба да се фокусира на преговори со САД, Русија и Украина и дека е потребен „дијалог, дијалог, дијалог“, и покрај фактот дека претходните преговори иницирани од САД сè уште не дадоа резултати.

Пирц Мусар изјави дека разговарала за овие прашања со претседателката на Европската комисија, Урсула фон дер Лајен, и дека ѝ било кажано дека се работи на тоа. Таа, исто така, во интервјуто нагласи дека зголемувањето на трошоците за одбрана не треба да влијае на социјалната сфера.

Би можело да ве интересира

Русија: Западот планира да нападне американски воен брод и да нè обвини нас

Најмалку 14 загинати во рускиот напад врз Киев, потрагата по преживеани е во тек

Најмалку 6.000 војници на Северна Кореја загинаа во војната во Украина

Киев нарача терористички напад, Москва на време го уапси терористот

(ВИДЕО) Русија ги предаде телата на 6.060 убиени украински војници

Руско гледиште за војната меѓу Иран и Израел: „Ова е нашата стратешка можност“

Горан Наумовски