Иранскиот претседател Масуд Пезешкијан денес изјави дека Иран го спречил планот странски копнени сили да ја нападнат иранската територија за време на војната со САД и Израел, благодарение на иранските напади и противењето од соседните земји.
– Планот на непријателот во војната бил да ги нападне иранските гранични пунктови и да воведе копнени сили во земјата, изјави Пезешкијан на денешната прес-конференција.
Тој додаде дека планот пропаднал благодарение на „иранските напади и решителниот став на соседните земји против овој план“.
Пезешкијан рече дека Авганистан и Пакистан објавиле дека никому нема да му биде дозволено да влезе во Иран од нивна територија и да предизвика немири во таа земја, објави Ал Џезира.
