Иранскиот претседател Масуд Пезешкијан изјави дека Исламската Република е подготвена да постигне „достоинствена рамка“ за прекин на војната и намалување на тензиите во регионот.
Прес-службата на претседателот објави детали од телефонскиот разговор одржан помеѓу иранскиот претседател и емирот на Катар, шеикот Тамим бин Хамад Ал Тани, во кој се наведува дека Пезешкијан нагласил дека Иран постојано покажува искреност и посветеност на дијалогот, објави денес Press TV.
Во разговорот, Пезешкијан изразил благодарност за поддршката и напорите на катарската влада, особено за личната улога на емирот во процесот на мировни преговори.