Поранешниот директор на американската Централна разузнавачка агенција (ЦИА) Дејвид Петреус изјави дека САД мора да испратат ракети со долг дострел и да ја забрзаат испораката на борбени авиони во Украина.
Петреус рече дека Вашингтон и другите западни влади мора да „одолеат“ на обидите да ја блокираат, како што рече, виталната воена помош за Киев, пренесува британски Телеграф.
Тој посочи дека САД конечно треба да го испратат тактичкиот ракетен систем АТАКМС, кој има дострел од околу 320 километри, а истото треба да го следат и другите западни лидери.