Петмина војници од силите на НАТО загинаа во хеликоптерска несреќа во Авганистан, соопшти командата на Меѓународните сили за поддршка на безбедноста во таа земја (ИСАФ).
– Во тек е истрага за откривање на причините. Според првичните податоци во регионот во моментот кога се урнал хеликоптерот имало вооружени судири, се вели во соопштението на силите на НАТО.
Националноста на загинатите војници не е прецизирана. Во јужен Авганистан најмногубројни се американските и британските војници, но има и австралиски војници.