Песков: Треба да поминеме долг пат за да стекнеме доверба во Америка

Од:

Портпаролот на Кремљ Дмитриј Песков денеска изјави дека Русија верува во себе и за да се зборува за доверба во Соединетите држави (САД), „мора да се помине долг пат“.

„Треба да развиеме мерки за враќање и зајакнување на меѓусебната доверба“, изјави Песков за новинарите, пренесе агенцијата РИА.

Песков посочи дека американските лидери покажале политичка волја да го обноват дијалогот со Русија, кој беше сведен „практично на нула“ за време на претходната администрација.

-Преземени се мерки за нормализирање на дијалогот, пред сè, нормализација на работата на нашите дипломатски ресори на реципрочна основа, рече Песков.

На новинарско прашање да ги коментира наводните планови за распоредување мировни сили во Украина, тој посочи дека дискусиите за можни заеднички проекти меѓу САД и Русија и економската соработка меѓу двете земји ќе дојдат откако ќе се реши ситуацијата во Украина.

„Ќе има време да се разгледаат можните проекти за трговска, економска и инвестициска соработка. Има многу широки изгледи за тоа“, рече Песков.

Би можело да ве интересира

Кошмарно утро во Киев: Русија изврши еден од најголемите напади врз главниот град на Украина

По 10 години, ОН повторно воведе сеопфатни санкции врз Иран

Мерц: САД повеќе не ги почитуваат правилата

Трамп вели дека Русија убива луѓе без причина

Нетанјаху во ОН: Признавањето на Палестина е како да ѝ се даде држава на Ал Каеда веднаш до Њујорк

Песков: Позицијата за преговори на Украина се влошува од ден на ден