Сеопфатно решение на украинскиот конфликт е невозможно без да се разгледа прашањето за паневропската безбедност, изјави денеска портпаролот на Кремљ, Дмитриј Песков.
„Се разбира, сеопфатно решение, долгорочно решение, одржливо решение (во Украина) е невозможно без сеопфатно испитување на безбедносните прашања на континентот“, рече тој, откако американски официјални лица изјавија дека ЕУ нема да има место на преговарачката маса, но дека интересите на регионот ќе бидат земени предвид.
Песков истакна дека Украина, како суверена земја, има право да се приклучи на Европската унија, бидејќи таа е економска, а не воена заедница, пренесува ТАСС.