Дијалогот меѓу Русија и САД во моментов е фокусиран на решавање на украинската криза, изјави денес портпаролот на Кремљ, Дмитриј Песков, нагласувајќи дека односите меѓу двете земји остануваат „во урнатини“, но дека постои заемна волја за дијалог.
„Се надеваме дека додека напредуваме во украинското прашање, ќе можеме да продолжиме да ги оживуваме односите со САД“, изјави Песков за весникот „Известија“.
Тој рече дека американската страна, исто така, верува дека постои голем потенцијал кога станува збор за односите со Москва.