Портпаролот на Кремљ, Дмитриј Песков, денес изјави дека не се очекува потпишување на никакви документи по самитот меѓу рускиот лидер Владимир Путин и американскиот претседател Доналд Трамп во Алјаска.
Тој нагласи дека би било погрешно однапред да се предвидат резултатите од руско-американскиот самит во Алјаска.
– Не, не се очекува, ништо не е подготвено, им рече Песков на новинарите, одговарајќи на прашањето дали ќе бидат потпишани некакви документи по самитот меѓу лидерите на Русија и САД, објави РИА Новости.
Песков, исто така, рече дека би било погрешно да се брза и однапред да се предвидат резултатите од руско-американскиот самит.
„Засега, се разбира, би било голема грешка да се брза, да се обидуваме да се пречекориме и да се обидуваме да го предвидиме исходот“, им рече Песков на новинарите.
Песков рече дека за време на самитот ќе бидат разгледани прашања поврзани со решавањето на украинскиот конфликт.
„Претседателот Путин и претседателот Трамп имаат намера да разговараат, се подготвени да разговараат и ќе разговараат за најтешките прашања“, рече Песков, објави РИА Новости.
Како што истакна, подготовката за средбата меѓу Путин и Трамп се одвивала во краток временски период и дека сите параметри биле исполнети.