Пензионер (79) од Србија се појави на суд под обвинение за убиство на Ксенија К.(32), сопруга на неговиот внук, во Швајцарија.
Тој е обвинет за пукање и убиство на Ксенија во 2021 година, откако таа претходно поднесе барање за развод.
Според јавното обвинителство, поттикот било тоа што таа не сакала да се врати кај неговиот внук во Србија и наместо тоа поднела барање за развод.
На 16 февруари 2021 година, околу еден месец пред датумот на развод, дедото неочекувано заѕвони на вратата на сопругата на неговиот внук. Кога влегол во станот, Ксенија му сварила кафе, а тој ја чекал дадилката да оди во пералната.
Според обвинителството, кога останал сам со жртвата и неговиот 19-месечен правнук, извадил пиштол и од непосредна близина ја застрелал Ксенија, три пати во главата и три пати во горниот дел од телото.
Кога полицијата пристигнала на местото на настанот, дедото се уште бил во станот.
Според обвинителството, осомничениот отпатувал во Швајцарија специјално за делото.
Сопругот на Ксенија по злосторството изјавил дека се чувствува многу лошо.
„Срцето ми е скршено“, рече тој.
Сопругот на Ксенија не можеше да објасни зошто дедо му ја убил мајката на неговите три деца.
Тој негираше дека има некаква врска со злосторството.
На убиецот му се заканува затворска казна од 10 години до доживотен затвор.