САД распоредија ударна група, предводена од носачот на авиони „Џорџ Х. В. Буш“ во источниот дел на Средоземното Море, соопшти прес-службата на американската морнарица, пренесува ТАСС.
Ударната група на носачи на авиони пристигнала во Средоземното Море од регионот на Персискиот Залив во понеделникот, а вчера веќе учествувала во нанесувањето удари против „Исламска држава“ во Ирак и Сирија. Прес-службата не ги прецизира целите на овие напади и на кој начин биле изведени.
Во составот на групата, освен носачи на авиони, има и два ракетни крстосувачи и два миноносци.