Пентагон размислува да испрати до 10.000 дополнителни копнени трупи на Блискиот Исток за да му даде на американскиот претседател Доналд Трамп повеќе воени опции, дури и додека се разгледуваат мировни преговори со Техеран, објави „Волстрит џурнал“, повикувајќи се на претставници на Министерството за одбрана запознаени со плановите.
Дополнителните сили веројатно ќе вклучуваат пешадиски единици и оклопни возила, рекоа тие.
Војниците ќе им се придружат на околу 5.000 маринци и илјадници падобранци од 82-та воздушно-десантна дивизија кои веќе се распоредени во регионот.
Трамп рече дека ќе ги паузира нападите врз енергетските објекти 10 дена, до 6 април, на барање на иранските власти, и рече дека разговорите се во тек и одат „многу добро“.
Како што прецизираше, паузата ќе трае 10 дена, до понеделник, 6 април 2026 година во 20 часот по источно време, или 2 часот наутро на 7 април, по централноевропско време.