Си-Ен-Ен вчера објави дека го има писмото во кое SpaceX, компанијата на Илон Маск, бара од Пентагон да ги преземе трошоците за финансирање на многу важните комуникациски сателити за украинските војници. Илон Маск минатата недела на Твитер објави дека оваа операција го чинела SpaceX 80 милиони долари, а до крајот на годината ќе надмине 100 милиони долари.
Пентагон го разгледува предлогот на Маск и бара начин за одржување на сателитите на SpaceX во Украина, соопшти американското Министерство за одбрана.
Во соопштението на Министерството за одбрана на САД се наведува дека САД прават се што е можно за да ги задржат сателитите кои и помагаат на украинската војска.
Портпаролката на Пентагон Сабрина Синг откри дека се разгледуваат и партнерства со други компании. „Не е само SpaceX, има и други со кои можеме да работиме кога станува збор за помош на Украина и нејзините потреби на бојното поле.