Американскиот потпретседател Мајк Пенс изјави денеска дека сите опции се на маса кога станува збор за Северна Кореја.
Тој вели дека претседателот Доналд Трамп е одлучен да соработува со Јапонија, Кина и со Јужна Кореја во изнаоѓање мирно решение.
– Во ова турбулентно време јапонскиот народ живее со зголемени провокации преку Јапонското Море. Сто отсто сме со вас, изјави Пенс во Токио.
Тој му пренел на јапонскиот прмеиер Шинѕо Абе дека сојузот меѓу САД и Јапонија е камен темелник за мир и стабилност во североисточна Азија.
Пенс допатува во Јапонија од Јужна Кореја каде рече дека ерата на стратешко трпение со Пјонгјанг е готова, по неуспешното лансирање ракета на армијата на Северна Кореја.