Портпаролката на кинеското Министерство за надворешни работи Мао Нинг објави илустрација на социјалните мрежи во која се потсмева на последиците од царините на Трамп врз американските потрошувачи.
На сликата е познатата црвена капа „Make America Great Again“, симбол на политичката кампања на Трамп, со натпис „Made in China“. Цената на капата беше симболично прецртана од 50 на 77 долари – алудирајќи на порастот на цените на увезените стоки од Кина откако американскиот претседател воведе високи царини.
Објавата е очигледна порака во трговската војна, со која Пекинг сака да нагласи дека најголемиот трошок за политиката на Трамп ќе го платат самите Американци, а од сопствениот џеб.
Кинеските царини од 84 отсто за американските стоки стапија во сила вчера, а трговската војна меѓу двете велесили влегува во нова, неизвесна фаза.