Суд во Париз денеска го осуди на седум години затвор Феим Хамидовиќ, кој се товари дека раководел со криминална мрежа што искористувала млади Ромки за кражби и за питачење во францускиот главен град.
Како што јави дописникот на МИА од Париз, Хамидовиќ, според обвинителниот акт и изнесените докази, стоел на чело на мафијашката мрежа во која млади Ромки од подрачјето на поранешна Југославија биле принудувани да крадат и питачат во париското метро.
Покрај ова, тие биле изложени на насилство доколку не ја исполнеле „нормата за заработка на пари“. Инаку, Хамидовиќ не живеел во Франција, тукусо криминалната мрежа во Париз раководел од Италија.