По неколкучасовна конфузија, Министерството за надворешни работи на Франција попладнево официјално демантира дека се ослободени седуммината француски државјани, кои се наоѓаат во заложништво во Нигерија, јави дописникот на МИА од Париз.
Демантот уследи откако изутринава низ француските медиуми се прошири информација дека киднапираните Французи се ослободени.
Седуммината Французи, кои се членови на едно семејство, беа грабнати во Камерун, во реонот на камерунско-нигериската граница, по што беа префрлени во Нигерија.