Француската полиција заплени 60 тони мали копии на Ајфеловата кула, кои нелегални трговци планирале да ги продадат на црно.
Стоката била откриена во магацин во близина до парискиот аеродром Бурже. Една Кинеска е приведена. Се претпоставува дека копиите се донесени од Кина. Кинески банди, во источниот дел на Париз, потоа ги препродаваат копиите на на други криминални банди кои ги контролираат уличните трговци, кои најчесто доаѓаат од африканските земји.
Според податоци на полицијата, меѓу 300 и 400 нелегални трговци има околу Ајфеловата кула. Полицијата ги повикува туристите да не купуваат сувенири од нив.
Во друга операција во квартот на Париз Маре, од канцеларија биле запленети уште неколку илјади мали копии на Ајфеловата кула и 150.000 евра. Париз годишно е посетуван од 29 милиони туристи.