Полицајци од Париз вчера вечер случајно заплениле околу еден милион евра, пронајдени во автомобилот и домот на лице кое продавало дрога низ Париз со својот автомобил, јавува дописникот на МИА од Париз.
Оваа необична заплена производи од трговија со дрога се случила вчера вечер околу 19 часот кога полицајците заблежале на улицата Обервилие во 19-от париски арондисман едно лице за кое се посомневеале дека е дилер.
Полицијата го апси и на нивно големо изненадување во автомобилот пронаоѓаат повеќе вреќи со пари во кои имало околу 500 000 евра. Полицијата при претресот на домот на дилерот, кој се наоѓал недалеку од местото каде бил уапсен, пронаоѓа уште неколку стотина илјади евра. Вкупната сума на запленетите евра е околу еден милион.
Според полициските извори, ова е за првпат во случајна контрола на полицијата да бидат запленети толку многу пари од трговија со дрога. Уапсениот е ставен во пртивор.