Параноја поради Мосад во Иран: „Пријавете ги домовите со спуштени завеси преку ден“

Од:

Иран уапси десетици лица под обвинение за шпионажа, додека во Исламската Република расте стравот од инфилтрација на израелската разузнавачка служба Мосад, јавува Си-Ен-Ен.

Од петокот, кога започнаа израелските напади, 28 лица во главниот град Техеран се уапсени и обвинети за шпионажа за Израел.

Човек кој беше уапсен под истото обвинение пред две години беше обесен вчера, во егзекуција што се смета за порака до секој што би можел да соработува со Израел.

Режимот, исто така, уапси десетици луѓе низ целата земја за споделување содржини на интернет „во поддршка на ционистичкиот режим“, обвинувајќи ги за поткопување на „психолошката безбедност на општеството“. Меѓу уапсените имало 60 лица во Исфахан, каде што Израел тврди дека цел на нападот бил нуклеарен објект.

Бранот апсења доаѓа во време кога Техеран сè уште се опоравува од откритијата дека агентите на Мосад успеале да прошверцуваат оружје во Иран пред израелскиот напад и да го користат за внатрешни операции. Иранското Министерство за информации, кое делува како разузнавачка и безбедносна агенција, ги повика граѓаните да пријават сомнително однесување и објави упатства за тоа како да идентификуваат можни шпиони.

Во едно од соопштенијата, министерството предупредува на непознати лица кои носат маски или очила, возат пикап камиони, носат големи торби и снимаат во близина на воени, индустриски или станбени објекти.

Постер објавен од Nour News, медиум близок до безбедносниот апарат на Иран, ги наведува како сомнителни лица кои „носат маски, капи и очила за сонце дури и ноќе“, како и оние кои „често примаат пакети со достава“. Граѓаните се повикуваат да пријават „необични звуци од куќите, како што се врескање, звуци од метални предмети, континуирано удирање“, како и „куќи со спуштени завеси дури и преку ден“.

Друг постер, кој ѝ се припишува на полицијата и објавен во државните медиуми, ги повикува сопствениците кои неодамна изнајмиле станови веднаш да ги пријават во полиција. Иранските новинари за Си-Ен-Ен изјавија дека им е забрането да фотографираат на улица.

Би можело да ве интересира

Талибанците прават набљудувачки места од американските „хамви“ поставувајќи ги на бетонска конструкција

ВИДЕО: Зошто Путин не сака да седне со Зеленски? Трамп: Затоа што не му се допаѓа

Иран: Русите им ги дадоа на Израелците сите разузнавачки информации за противвоздушната одбрана

Предраг Петровиќ

Австралија: Илјадници луѓе се придружија на најголемите пропалестински и антиизраелски протести

Голема израелска офанзива во Газа, војската уништува згради, гранатира куќи и патишта

Горан Наумовски

Нетанјаху: Мојот план за преземање на Газа би можел да помогне во ослободувањето на заложниците