Папата Франциско денеска во базиликата „Свети Петар“ во Рим одржа групна венчавка на која во брак стапија 20 двојки, меѓу кои и такви кои повеќе години живеат заедно невенчани и имаат дури и деца.
При венчавката папата порача дека семејствата претставуваат „тули што го градат општетсвото“ и дека бракот е „вистински живот, а не телевизиско шоу“.
Меѓу оние кои се венчаа денеска се и Габриела и Гвидо кои со години живета заедно и имаат и деца и кои сметале дека во такви околности никогаш не ќе можат да склучат црковен брак. За Католичката црква сексот пред брак е грев, но папата Франциско порача дека „Црквата простува“.
Ова е прва венчавка во Ватикан по 2000 година, кога тогашниот понтиф, Јован Павле Втори венча една двојка во базиликата „Свети Петар“.